ஓடிடி வெளியீட்டுக்கு தயாராகும் - மகாசேனா
மருதம் புரொடக்ஷன்ஸ் தயாரிப்பில் உருவான ‘மகாசேனா (MAHASENHA)’ திரைப்படம், திரையரங்குகளில் வெளியானதைத் தொடர்ந்து, ஓடிடி தளங்களில் வெளியாக தயாராகியுள்ளது. தினேஷ் கலைச்செல்வன் எழுதி இயக்கிய இந்த காடு சார்ந்த ஆக்ஷன்–த்ரில்லர் படம், ஜனவரி 13, 2026 முதல் AHA OTT தளத்தில் ஸ்ட்ரீமிங் ஆகவுள்ளது. இதனைத் தொடர்ந்து, ஜனவரி 23, 2026 அன்று Amazon Prime Video தளத்திலும் படம் வெளியாகிறது. இயற்கை, ஆன்மிகம் மற்றும் காட்டு புராணங்களை ஒன்றிணைக்கும் கதைக்களத்துடன், தெய்வீக இயற்கை சக்திகளுக்கும் மனித பேராசைக்கும் இடையிலான மோதலை வலுவான திரைக்கதையாக்கமாக படம் முன்வைக்கிறது. கூடலூர், வயநாடு, கொல்லிமலை, ஊட்டி உள்ளிட்ட இயற்கை காடுகளில் பெரும்பாலும் படமாக்கப்பட்ட இந்த திரைப்படம், கண்ணைக் கவரும் காட்சிகளும் ஆழமான உணர்ச்சிகளும் நிறைந்த அனுபவத்தை வழங்குகிறது. படத்தில் விமல், ஸ்ருஷ்டி டாங்கே, யோகி பாபு, மகிமா குப்தா, ஜான் விஜய், கபீர் துகான் சிங் உள்ளிட்டோர் நடித்துள்ளனர். மேலும், ‘சேனா’ என்ற யானை முக்கிய கதாபாத்திரமாக இடம்பெறுகிறது. இசையை A. பிரவீன் குமார் மற்றும் உ...