லாக்கடவுன் - திரைவிமர்சனம்
2020 லாக்டவுன் காலத்தில் ஒரு மிடில் கிளாஸ் பெண்ணின் வாழ்க்கையில் நிகழும் அசம்பாவிதமும், அதற்கான தீர்வும்தான் இந்த படத்தின் மையக் கதைக்களம். குடும்பச் சூழல் காரணமாக கட்டாயமாக வேலை பெற்றே ஆக வேண்டிய நிலைமையில் இருக்கும் நாயகி அனுபமா பரமேஸ்வரன், வேலை தேடி அலைக்கிறார். அத்தகைய ஒரு சந்தர்ப்பத்தில் யாரும் எதிர்பாராத ஒரு அசம்பாவிதம் அவருக்கு நேர்கிறது. அதை குடும்பத்தினருக்கு தெரியாமல் மறைக்க முயல்கிறார். அந்த அசம்பாவிதம் என்ன? அதைத் தொடர்ந்து திடீரென அறிவிக்கப்படும் லாக்டவுன் காரணமாக அவர் எதிர்கொள்ளும் புதிய சிக்கல்கள் என்ன? என்பதுதான் படத்தின் மீதிக் கதை. ஒன் வுமன் ஆர்மியாக படத்தை முழுவதும் தூக்கிச் சுமந்திருக்கிறார் அனுபமா பரமேஸ்வரன். கண்களில் குறும்புத்தனம் மின்னும் காட்சிகளிலும், அதற்குப் பிறகு சோகமே ததும்பும் காட்சிகளிலும் ஆழமான நடிப்பை வெளிப்படுத்தியுள்ளார். சார்லி வழக்கம்போல தனது பங்களிப்பைச் சிறப்பாக செய்துள்ளார். சர்ப்ரைஸாக நிரோஷோ, எமோஷனல் காட்சிகளில் பார்வையாளர்களை உலுக்கும் நடிப்பை வழங்கியுள்ளார். தோழியாக வரும் பிரியா வெங்கட் மனதில் நிற்கும் வகையில் தனது கதாபாத்திரத்தை ...