ஹவுஸ் மேட்ஸ் திரைப்பட விமர்சனம்
கதைச் சுருக்கம்: காதலி அர்ஷா சாந்தினி பைஜூவை, அவரது பெற்றோர் எதிர்ப்பையும் மீறி திருமணம் செய்யும் தர்ஷன், சென்னை வேளச்சேரியில் பழைய அடுக்குமாடி வீடு ஒன்றில் குடியேறுகிறார். ஆனால், வீட்டில் அமானுஷ்ய சம்பவங்கள் நிகழ, முதலில் நம்ப மறுக்கும் தர்ஷன், பின்னர் அவற்றை உணர்ந்து, அதன் பின்னணியை ஆராய்கிறார். இதே வீட்டில், வேறு காலகட்டத்தில் வாழும் மற்றொரு குடும்பமும் (காளி வெங்கட், வினோதினி வைத்தியநாதன்) இதே அனுபவங்களை எதிர்கொள்கிறது. இந்த இரு குடும்பங்களை இணைக்கும் ‘டைம் கொலிஷன்’ மர்மமே படத்தின் மையம். பலம்: நடிப்பு: காளி வெங்கட் தனது இயல்பான நடிப்பால் படத்தின் உணர்வு மையமாக விளங்குகிறார். இறுதிக் காட்சியில் அவரது நடிப்பு பார்வையாளர்களை நெகிழ வைக்கிறது. தர்ஷன் காதல் மற்றும் கோப காட்சிகளில் பாஸ் மார்க் பெறுகிறார், ஆனால் எமோஷன் காட்சிகளில் இன்னும் மெருகேற்றியிருக்கலாம். அர்ஷா சாந்தினி தேவையான பங்களிப்பை அளித்தாலும் பெரிய தாக்கத்தை ஏற்படுத்தவில்லை. வினோதினி வைத்தியநாதன் காமெடி மற்றும் எமோஷனில் ஈர்க்கிறார், ஆனால் சில இடங்களில் நடிப்பு ஓவர் டோஸாக உள்ளது. சிறுவன் ஹென்ரிக் அஷ்லேவின் மழலை நடிப்பு அழகு ...