அஜய் தேவ்கன் மற்றும் யுக் தேவ்கன் இணைந்து ‘கராத்தே கிட்: லெஜண்ட்ஸ்’ ஹிந்தி டிரெய்லரை வெளியிட்டனர்

 மும்பை:

சோனி பிக்சர்ஸ் என்டர்டெயின்மென்ட் இந்தியா தயாரித்த ‘கராத்தே கிட்: லெஜண்ட்ஸ்’ திரைப்படத்தின் ஹிந்தி டிரெய்லர், பாலிவுட் நட்சத்திரம் அஜய் தேவ்கன் மற்றும் அவரது மகன் யுக் தேவ்கன் ஆகியோரால் மும்பையில் நடைபெற்ற பிரமாண்ட விழாவில் வெளியிடப்பட்டது. இது இவர்களின் முதல்முறை சர்வதேச முயற்சியாகும்.

ஜாக்கி சான் நடித்த ஐகானிக் கதாபாத்திரமான மிஸ்டர் ஹான் குரலுக்கு அஜய் தேவ்கன் தன் நுட்பமான குரலால் உயிர் கொடுத்துள்ளார். அவருடைய மகன் யுக் தேவ்கன், பென் வாங் நடித்த லி ஃபாங் எனும் குங் ஃபூ மாணவனுக்கு குரல் கொடுத்து ஹிந்தி சினிமாவில் தனது முதல் குரல் பதிவு அனுபவத்தைப் பெற்றுள்ளார்.

இந்தப் படம் குரு - சீடன் உறவை மையமாகக் கொண்டு, நியூயார்க் நகரத்தில் பள்ளியில் சேரும் லி ஃபாங் என்பவனின் பயணத்தை சுவாரஸ்யமாக காட்டுகிறது. எதிர்பாராத நட்புகள், சவால்கள் மற்றும் தன்னம்பிக்கையின் வளர்ச்சி ஆகியவற்றின் பின்னணியில், மிஸ்டர் ஹான் மற்றும் டேனியல் லாரூசோ (ரால்ஃப் மேக்கியோ) ஆகியோரின் வழிகாட்டுதல் முக்கிய பங்கு வகிக்கிறது.

அஜய் மற்றும் யுக் தேவ்கன் ஆகியோரின் இயற்கையான தந்தை-மகன் உறவு, திரைப்படத்தில் உணர்வுப்பூர்வமான ஆழத்தையும், எதார்த்தத்தையும் வழங்கியுள்ளது. இது மரபுகளின் தொடர்ச்சி, குடும்பத்தின் மதிப்பு மற்றும் புகழ்பெற்ற ‘கராத்தே கிட்’ வரலாற்றின் புதிய தலைமுறை தொடக்கத்தை குறிக்கிறது.

‘கராத்தே கிட்: லெஜண்ட்ஸ்’ திரைப்படம் 2025 மே 30 அன்று ஆங்கிலம், ஹிந்தி, தமிழ் மற்றும் தெலுங்கு ஆகிய மொழிகளில் உலகமெங்கும் வெளியாகிறது.