ப்ளாக்மெயில் – திரைப்பட விமர்சனம்

இயக்குநர் மாறன், குழந்தைக் கடத்தல் என்பதை மையமாக வைத்து, அதனுடன் எமோஷ்னல் ட்ராமா + திரில்லர் கலந்த கதை ஒன்றை உருவாக்கியுள்ளார்.

கதை:
ஜிவி பிரகாஷ் ஒரு கொரியர் கம்பெனியில் டிரைவராக வேலை செய்கிறார். அவருக்கு தெரியாமலே ஒரு பார்சலில் குகைன் இருக்கும். ஆனால் அவர் ஓட்டும் வண்டி மாயமாகிறது. இதனால் ஓனர், ஜிவியின் காதலியை கடத்தி வைத்து, வண்டியும் சரக்கும் திருப்பிக் கொண்டு வரும்படி மிரட்டுகிறார்.

இந்த சூழலில், தொழிலதிபர் ஸ்ரீகாந்தின் மகளைக் கடத்தினால் பணம் தருவதாக ஜிவிக்கு ஒரு ஆஃபர் கிடைக்கிறது. நண்பர் ரமேஷ் திலக்கோடு அவர் அந்த குழந்தையைக் கடத்தச் செல்கிறார். அவர் உண்மையில் குழந்தையை கடத்தினாரா? இந்த ஆஃபர் யாரிடமிருந்து வந்தது? — இதுதான் படத்தின் சஸ்பென்ஸ். அதோடு சில கிளைக் கதைகளும் இணைந்து கதையை நகர்த்துகின்றன.

நடிப்பு:

• ஜிவி பிரகாஷ், சில எமோஷ்னல் காட்சிகளில் சற்றே பிளாட் ஆனாலும், மொத்தத்தில் சுமாரான நடிப்பைத் தந்துள்ளார்.

• ஸ்ரீகாந்தின் கேரக்டர் ஸ்ட்ராங்காக எழுதப்பட்டிருக்கிறது; அவர் மிகச்சரியாக நடித்துள்ளார்.

• ரமேஷ் திலக் வழக்கம்போல் லைட்டான நகைச்சுவையுடன் தன் பங்கைக் கொடுத்துள்ளார்.

• ஜிவி காதலி, ரமேஷ் திலக் மனைவி, லிங்கா, பிந்துமாதவி உள்ளிட்டோரின் நடிப்பும் கதைக்கு ஏற்றதாகவே இருந்தது.

தொழில்நுட்பம்:

• சாம்.சி.எஸ். இசை, குறிப்பாக பின்னணி இசை, படத்தின் வேகத்தை தக்க வைத்திருக்கிறது.

• ஒளிப்பதிவாளர் கோகுல் பினாய் கோயமுத்தூரின் லொக்கேஷன்களை அழகாக காட்சிப்படுத்தியுள்ளார்.

• எடிட்டர் ஷான் லோகேஷ், க்ரிஸ்ப்பாக எடிட்டிங் செய்தாலும், சில ஷாட்கள் மிஸ்ஸிங் போலத் தெரிகிறது.

ப்ளஸ் பாயிண்ட்ஸ்:

• டென்ஷன் நிறைந்த காட்சிகள், படத்தை சுறுசுறுப்பாக நகர்த்துகின்றன.

• பாடல் தேவையில்லாமல், கதை ஓட்டத்தில் நேராகச் செல்லும் முயற்சி நல்லது.

மைனஸ் பாயிண்ட்ஸ்:

• எந்தக் கதாபாத்திரத்துடனும் எமோஷ்னல் கனெக்ஷன் ஏற்படவில்லை.

• சில ஷாட் டிவியேஷன், சராசரி மேக்கிங் ஆகியவை படத்தின் இன்டென்சிட்டியை குறைத்துவிட்டன.

மொத்தம்:
சில குறைகள் இருந்தாலும், எதிர்பார்ப்பின்றி செல்வோருக்கு “ப்ளாக்மெயில்” ஒரு ஒன்-டைம் வாட்சபிள் திரில்லர் ஆக நிச்சயம் வேலை செய்யும்.