உலகமே ஆடும் “Yethu”! – Hypers Kids Africa ரீமேக்குக்கு A. R. Rahman பாராட்டு

Moonwalk திரைப்படத்தின் “Yethu” பாடல் உலகளவில் வைரலாகி வருகிறது. வெளியான இரண்டு வாரங்களிலேயே யூடியூபில் 11 மில்லியன் பார்வைகளை கடந்துள்ள இந்த பாடல், இன்ஸ்டாகிராமில் மிகப்பெரிய டான்ஸ் ட்ரெண்டாக மாறியுள்ளது.

ஆப்பிரிக்கா, ஜப்பான், அமெரிக்கா, இங்கிலாந்து, ஐக்கிய அரபு எமிரேட்ஸ், பிரான்ஸ், ஸ்வீடன் உள்ளிட்ட பல நாடுகளைச் சேர்ந்த ரசிகர்கள் இந்த ட்ரெண்டில் உற்சாகமாக கலந்து கொண்டு, பாடலின் உணர்வை காப்பாற்றியபடி அதிக ஆற்றலுடன் ரீல்ஸ் பதிவிட்டு வருகின்றனர். சமூக வலைதளங்களில் “Yethu” பாடலை வைத்து செய்யப்பட்ட ரீல்ஸ் 100 மில்லியன் பார்வைகளை கடந்துள்ளதாக தகவல் வெளியாகியுள்ளது.

🎶 Hypers Kids Africa ரீமேக் – ரஹ்மானின் ரியாக்ஷன்!

ஆப்பிரிக்காவின் பிரபலமான குழந்தைகள் இசைக்குழு Hypers Kids Africa “Yethu” பாடலுக்கு நடன ரீமேக் வீடியோ ஒன்றை வெளியிட்டு ரசிகர்களின் கவனத்தை ஈர்த்தது.

இந்த வீடியோவை பார்த்த A. R. Rahman,

“Thank you for the love. You guys are terrific” என்று கமெண்ட் செய்து தனது மகிழ்ச்சியை வெளிப்படுத்தினார்.

அதற்கு பதிலளித்த குழந்தைகள் குழு,

“Happy to see your comment. We love you too” என்று தெரிவித்துள்ளது.

இந்த தருணம் ரசிகர்களிடையே பெரும் உற்சாகத்தை ஏற்படுத்தியுள்ளது.

💃 பிரபுதேவாவின் மாஸ் நடனம்

“Yethu” பாடலில் நடனப்புயல் Prabhu Deva கடினமான நடன அசைவுகளை எளிதாக ஆடி அசத்திய விதத்திற்கும் பாராட்டுகள் குவிந்து வருகின்றன.

A. R. Rahman அவர்களின் துள்ளலான இசை, பிரபுதேவாவின் அதிரடி நடனம் மற்றும் ஒளிப்பதிவு அமைப்பு — இவை அனைத்தும் சேர்ந்து “Yethu” பாடலை உலகளாவிய வைரல் லிஸ்டில் இணைத்துள்ளன.

ஜனவரி 27ஆம் தேதி தொடங்கிய இந்த ட்ரெண்ட் இன்னும் சற்றும் குறையாமல் வேகமெடுத்து வருகிறது. நடனக் கலைஞர்களைத் தாண்டி இசைக்கலைஞர்கள், வாத்தியக்கலைஞர்களும் இந்த ட்ரெண்டில் இணைந்து அசத்தி வருகின்றனர்.

தாளம், ஒற்றுமை மற்றும் எல்லைகளை தாண்டிய படைப்பாற்றலை கொண்டாடும் ஒரு உலகளாவிய நடன திருவிழாவாக “Yethu” மாறியுள்ளது 🔥